1. திட்டமிடல் (Scheduling)

• குறிப்பிட்ட பணிகளை வரிசைப்படுத்துவதும் அவற்றைச் செயல்படுத்தப் பல்வேறு வகைகளில் சாத்தியப்படக்கூடிய பொருத்தமான ஆதாரத் தரவுகளை ஒதுக்கீடு செய்வதும் திட்டமிடல் (Scheduling) என்று அழைக்கப்படுகிறது.
• ஒரு திட்டமிடல் அட்டவணை என்பது சாத்தியமான பணிகள், நிகழ்வுகள் அல்லது கையாளப்படும் செயல்பாடுகள் போன்றவற்றின் கால வரிசையினை உள்ளடக்கிய பட்டியலாகும்.

2. செயல்வழிப் படம் (Flowchart)

• செயல்வழிப் படம் என்பது ஒரு பணியினை அல்லது கணக்கீட்டைச் செய்வதற்கான வழிமுறைகளைக் குறிப்பிட்ட சில வடிவங்களைப் பயன்படுத்தி விளக்கும் பட விளக்கமாகும் (Pictorial representation of instructions).

3. செயல்வழிப் படக் குறியீடுகள் (Flowchart Symbols)

• அம்புக்குறி (Flowline): வடிவங்களை இணைக்கப் பயன்படுவதுடன் அறிவுறுத்தல்களின் ஓட்டத்தைக் (Flow of instructions) குறிக்கிறது.
• நீள்வட்டம் / முட்டை வடிவம் (Terminal): பணியின் தொடக்கத்தையும் முடிவையும் (Start / End) குறிக்கப் பயன்படுகிறது.
• இணைகரம் (Input / Output): தரவுகளை உள்ளீடு செய்வதற்கோ அல்லது தீர்வுகளை வெளியிடுவதற்கோ (Read / Print) பயன்படுத்தப்படுகிறது.
• செவ்வகம் (Processing): ஒரு செயலைச் செய்ய அல்லது கணக்கீட்டைக் குறிக்கப் (Calculating / Process) பயன்படுகிறது.
• சாய் சதுரம் (Decision): தர்க்கம் அல்லது ஒப்பீட்டிற்குப் (Logic / Comparison) பயன்படுத்தப்படுகிறது. பதில் “ஆம்” அல்லது “இல்லை” என்பதைப் பொறுத்து அமையும்.

🌟 One-time Payment (Life-time Access)

🛒 Buy NMMS Book on Amazon 📲 Join our NMMS WhatsApp Channel