NMMS MAT Arithmetical Reasoning Quiz (30 Puzzles) – Karkandu Kanitham

அன்பான மாணவர்கள் மற்றும் ஆசிரியர்களுக்கு வணக்கம்! NMMS மனத்திறன் தேர்வில் (MAT) மாணவர்களின் லாஜிக் மற்றும் கணிதத் திறனை ஒரே நேரத்தில் சோதிக்கும் மிக சுவாரஸ்யமான பகுதி ‘கணிதப் புதிர்கள்’ (Arithmetical Reasoning / Puzzles) ஆகும்.

இது நேரடியான கணிதக் கேள்விகள் அல்ல; கொஞ்சம் சிந்தித்து, தர்க்கரீதியாக (Logically) விடை காண வேண்டிய புதிர்கள். தேர்வில் 2 முதல் 5 கேள்விகள் வரை இந்தப் பகுதியில் இருந்து கட்டாயம் கேட்கப்படும்.

📝 விடையளிக்க முக்கியக் குறிப்புகள் (Shortcut Formulas):

• கை குலுக்கும் கணக்குகள் (Handshakes): ‘n’ நபர்கள் ஒருவருக்கொருவர் கை குலுக்கிக் கொண்டால், அதற்கான ஃபார்முலா: n(n – 1) / 2. (எ.கா: 10 பேர் எனில், 10 x 9 / 2 = 45).
• பரிசுப் பொருட்கள் / அட்டைகள் பகிர்தல்: ‘n’ நபர்கள் வாழ்த்து அட்டைகளைப் பரிமாறிக் கொண்டால், ஃபார்முலா: n(n – 1). (கைகுலுக்கலுக்கு மட்டுமே வகுத்தல் 2 வரும்).
• தலைகள் & கால்கள் கணக்கு: மொத்தம் உள்ள தலைகளின் எண்ணிக்கையை 2-ஆல் பெருக்கி (அனைத்தும் 2 கால் பிராணிகள் என நினைத்து), மொத்த கால்களில் இருந்து கழித்து, மீதமுள்ள கால்களை 2-ஆல் வகுத்தால் 4 கால் பிராணிகளின் எண்ணிக்கை கிடைக்கும்.